Асцярожна, шаленства! У Беларусі зафіксаваны выпадкі масавага кантакту людзей з хворымі жывёламі

У Беларусі зафіксаваны выпадкі масавага кантакту людзей з хворымі на шаленства жывёламі. Размова ідзе пра Магілёўскую і Гродзенскую вобласці.

Спецыялісты высветлілі, што з заражанымі жывёламі кантактавалі 16 чалавек. У адным выпадку разносчык інфекцыі - беспрытульны кот. У другім - авечка. Зараз людзі атрымліваюць лячэнне па поўным курсе. Медыкі нагадваюць, шаленства - гэта смяротнае захворванне. Вакцынацыя з'яўляецца асноўнай прафілактычнай мерай.

Ала Дашкевіч, намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя:

"Месца кантакту варта прамыць пад праточнай вадой. Калі ёсць рана, апрацаваць яе бакі настойкай ёду або іншым спіртазмяшчальным антысептыкам, пасля гэтага як мага хутчэй звярнуцца ў медыцынскую ўстанову. Толькі ўрач-хірург або траўматолаг зможа вызначыць ступень пашкоджання і прызначыць неабходнае антырабічнае лячэнне. Акрамя таго, важна памятаць: звяртаючыся па медыцынскую дапамогу, калі гэта магчыма, трэба арганізаваць 10-дзённае медыцынскае назіранне за жывёлінай, якая нанесла пашкоджанне".

Паводле звестак Міністэрства аховы здароўя, з 2012 года выпадкі захворвання на шаленства сярод людзей у Беларусі не фіксаваліся. Але гэты вірус перыядычна знаходзяць у дзікіх і свойскіх жывёл. Сярод носьбітаў сустракаюцца лісы, ваўкі, сабакі, каты, коні.