У Мінск з афіцыйным візітам прыбыў прэм'ер-міністр Танзаніі

У Мінск з афіцыйным візітам прыбыў прэм'ер-міністр Танзаніі. Дэлегацыю гэтай усходнеафрыканскай рэспублікі сустракалі 21 ліпеня позна вечарам у Нацыянальным аэрапорце.

У кіраўніка танзанійскага ўрада ў Беларусі насычаная праграма. Плануюцца сустрэчы, падчас якіх абмяркуецца магчымасць усталявання больш цесных эканамічных і палітычных сувязяў паміж нашымі краінамі.

Акрамя таго, прэм'ер-міністр атрымае магчымасць азнаёміцца з дасягненнямі нашай краіны ў сферы высокіх тэхналогій, а таксама прамысловай і аграрнай вытворчасцяў.