Хлеб "Майскі" - у спісе "Лепшых тавараў Беларусі"

Хлебапёкі Мінска збіраюць свой ураджай узнагарод. Па выніках конкурсу "Лепшы тавар Беларусі" 18 найменняў хлебабулачных і кандытарскіх вырабаў - у лаўрэатах прэстыжнага спаборніцтва. Класічныя румяныя боханы і трэндавыя дэсерты выпякаюць пяць хлебазаводаў прадпрыемства "Мінскхлебпрам".

Водар палёў, сакавітасць і смак спелых злакаў найвышэйшага гатунку. З пашанай да працы хлебаробаў і галоўнага інгрэдыенту – нашай якаснай мукі – на хлебазаводзе нумар пяць па шматгадовых традыцыях і правераных тэхналогіях выпякаюць галоўную пшанічную і жытнюю страву. Хлеб і батон у шасці варыяцыях.

Хлеб "Майскі" тут круглы год хіт. Рэцэптуру распрацавалі больш як 20 гадоў таму, у аснове якой складаная тэхналогія за чатыры этапы з прымяненнем малочнакіслых бактэрый. Таму бохан зберагае карысныя ўласцівасці і застаецца свежым доўгі час. "Майскі" - у спісе "Лепшых тавараў Беларусі".

26 гадоў хлебныя традыцыі на прадпрыемстве працягвае Святлана Ворт. Якую прафесію выбраць, ведала ужо з дзяцінства. Маці працавала на хлебазаводзе "Аўтамат", таму вырашыла працягваць сямейную дынастыю.

У топе тавараў года і дэсерты. 11 гадоў пяты хлебазавод "частуе" эклерамі. Папулярныя заварныя пірожныя з шасцю разнастайнымі начынкамі. У перспектыве з'явяцца і новыя - з ягадным асарці. Для гурманаў таксама пясочная, тварожная, мядовая і бісквітная класіка ў мега-фармаце.

На суседнім заводзе "Аўтамат" тры асноўныя цэхі - хлебны, сухарны і абараначны. Легендарны "Водар" распрацавалі менавіта тут.

Снекавая лінія адкрылася на хлебазаводзе 5 гадоў таму. З канвеера атрымліваюць міксы для карыснага перакусу. Нават вось такіх мудрагелістых формаў, як брэцэль. А гэта лічбы. Ад 0 да 9. У дадатак - соль, цукар, ваніль.

Мінскую прадукцыю шануюць ў Расіі, Азербайджане і Казахстане

Сёння Мінскхлебпрам - гэта 5 прадпрыемстваў. Сталічны гігант з сучаснай вытворчасцю у 180 тон хлебабулачных вырабаў і 10 тон кандытарскіх. Разнастайны асартымент з класікай і сучаснай рэцэптурай – на паліцах па ўсей краіне. Хутка свежыя боханы пачнуць выпякаць і з мукі новага ўраджаю.