Добрая традыцыя - 10 гадоў таму адбылася першая экскурсія ў Палац Незалежнасці

22 ліпеня 2015 года адкрылі экскурсіі ў Палац Незалежнасці.

І першымі наведвальнікамі сталі 90 юнакоў і дзяўчат: удзельнікі міжнароднага маладзёжнага прафсаюзнага адукацыйнага форуму "ТЭМП-2015". Больш як 2 гадзіны яны аглядалі інтэр'еры Палаца Незалежнасці, рабочыя залы, унутраны панадворак, Алею ганаровых гасцей.

З тых часоў экскурсіі ў галоўны сімвал беларускай дзяржаўнасці сталі добрай традыцыяй.

Дарэчы, першае, на што звычайна звяртаюць увагу наведвальнікі Палаца Незалежнасці, - грандыёзная Зала ўрачыстых цырымоній, з вокнаў якой адкрываецца панарама плошчы Дзяржаўнага флага.