63 працы ў фінале. У Белтэлерадыёкампаніі падвялі вынікі конкурсу дзіцячага малюнка

"Нам мір завешчана берагчы!" - падвялі вынікі Рэспубліканскага конкурсу дзіцячага малюнка, прысвечанага 80-годдзю Вялікай Перамогі. Урачыстая цырымонія ўзнагароджання адбылася ў Белтэлерадыёкампаніі.

Конкурс сабраў лепшыя працы з усёй Беларусі. Дзеці самых розных узростаў малявалі мір, Перамогу, успаміны ветэранаў пра вайну і маці, якія чакалі сваіх сыноў. У конкурсе ўзялі ўдзел больш як 4,5 тыс. талентаў з усёй краіны. У фінал адабрана 63 працы! Ініцыятыву Рэспубліканскага аб'яднання ветэранаў падтрымалі грамадскія арганізацыі і спонсары.

У холе Белтэлерадыёкампаніі разгарнулася выстава прац фіналістаў конкурсу. Ніхто з удзельнікаў не застаўся без узнагарод і падарункаў.