МЗС: у Беларусі акрэдытаваны 456 міжнародных назіральнікаў за выбарамі Прэзідэнта

456 міжнародных назіральнікаў з 49 краін ужо акрэдытаваны ў Беларусі на прэзідэнцкія выбары.

У прэс-службе МЗС удакладнілі, гэта парламентарыі з краін СНД і далёкага замежжа, прадстаўнікі цэнтральных выбарчых органаў, рэгіянальных органаў улады, дыпкорпуса, незалежныя эксперты. Акрамя таго, запрашэнні атрымалі Выканкам і Міжпарламенцкая Асамблея СНД, Парламенцкая Асамблея АДКБ, Парламенцкі Сход Саюзнай дзяржавы, ШАС, Сакратарыят Нарады па ўзаемадзеянні і мерах даверу ў Азіі, Моладзевая арганізацыя Руху недалучэння і БДІПЧ АБСЕ.

У знешнепалітычным ведамстве запэўнілі, што па добрай традыцыі для ўсіх назіральнікаў будуць створаны роўныя ўмовы. Гэта дазволіць яшчэ раз упэўніцца ў нашай адкрытасці, транспарэнтнасці і, вядома ж, сваімі вачамі ўбачыць міралюбівую і гасцінную Беларусь.