1 чэрвеня "Аўра" правядзе кастынг

1 чэрвеня ў прадзюсарскім цэнтры "Аўра" пройдзе шматгадзінны адбор беларускіх талентаў.

У конкурсе могуць прыняць удзел выканаўцы ад 10 да 25 гадоў. Праслухаць

артыстаў возьмуцца ўладальнікі медаля Францыска Скарыны, шматразовыя лаўрэаты рэспубліканскіх узнагарод: кампазітар, прадзюсар Яўген Алейнік і салістка групы "Аўра", заслужаная артыстка Рэспублікі Беларусь Юлія Быкава.

Удзельнікам кастынгу неабходна будзе выканаць куплет і прыпеў, пры гэтым укласціся ў 90 секунд. Пераможца конкурсу атрымае бясплатны хіт ад творчага дуэта.