У Беларусі праходзіць рэспубліканскі марафон "Усё залежыць ад нас"

Рэспубліканскі марафон "Усё залежыць ад нас", прымеркаваны да Дня моладзі і студэнцтва, праходзіць у Беларусі. Усяго запланавана больш за 400 мерапрыемстваў. 24 чэрвеня эстафету прымаюць Брэст і Брэсцкая вобласць.

"Прыемна, калі моладзь разумее, што ад яе залежыць будучыня нашай краіны. Гэта праяўляецца і ў студэнцкіх атрадах, і ў моладзевых ініцыятывах ад мінскай змены. Наша моладзь працуе і пры адміністрацыях раёнаў Мінска, у моладзевых парламентах пры Савеце Рэспублікі Нацыянальнага сходу. Яны працуюць над заканадаўчымі ініцыятывамі, якія дазваляюць зрабіць нашу краіну яшчэ лепшай", - сказаў старшыня Моладзевага савета пры адміністрацыі Маскоўскага раёна г. Мінска Мікалай Крапівін.

Марафон праходзіць у розных фарматах: квэсты, квізы, майстар-класы, дыялогавыя пляцоўкі. Праект ахоплівае ўсе вобласці. Завершыцца ён святкаваннем Дня моладзі і студэнцтва.