Беларусам зноў прапаноўваюць з'ездзіць у Расію і аформіць некалькі аплатных карт за "ганарар"

Бізнес на афармленні банкаўскіх карт - гэта "заробак", які цягне за сабой цяжкі шлейф наступстваў. У сацсетках зноў з'яўляюцца прапановы беларусам з'ездзіць у Расію і аформіць некалькі аплатных карт за "ганарар". Пасля гэтага аферысты выкарыстаюць пластык для адмывання грошай і ашуканскіх схем.

На гэтую вуду трапляюць беларусы розных узростаў - ад падлеткаў да пенсіянераў.

Да чаго прыводзіць падзаробак, пракаменціравалі ў МУС.

Аляксандр Рынгевіч, намеснік начальніка галоўнага ўпраўлення па процідзеянні кіберзлачыннасці МУС Беларусі:

"Нагадаем, што ў Беларусі забаронена незаконнае распаўсюджванне рэквізітаў банкаўскіх аплатных картак, лагінаў і пароляў, з дапамогай якіх магчыма атрымаць доступ да рахункаў альбо электронных кашалькоў. Ашуканцы выкарыстаюць гэтыя даныя для вываду сродкаў, атрыманых злачынным шляхам. Напрыклад, па вядомай схеме "Ало, мама!" выманьваюць у ахвяры наяўныя, праз банкамат папаўняюць імі карту расійскага банка, а затым знімаюць наяўныя грошы на тэрыторыі суседняй краіны. Такім чынам асоба, якая дала свае рэквізіты для гэтай аперацыі, становіцца саўдзельнікам злачынства".

На працягу шматлікіх гадоў ашуканцы, карыстаючыся наіўнасцю некаторых беларусаў і смагай хуткай нажывы, уцягваюць іх у злачынную схему. Не варта страчваць пільнасць, памятайце пра крытычнае мышленне. Ды і не лішнім будзе нагадаць, што ў Беларусі за перадачу даных банкаўскай карты прадугледжана крымінальная адказнасць.