Лукашэнка адрэагаваў на атакі па іранскіх ядзерных аб'ектах

Нядаўнія ўдары па ядзерных аб'ектах Ірана самым небяспечным чынам парушаюць палажэнні міжнароднага права, адзначыў беларускі лідар Аляксандр Лукашэнка падчас пасяджэння Вышэйшага Еўразійскага эканамічнага савета ў пашыраным складзе.

Аляксандр Лукашэнка расказаў, што на саміце ЕАЭС першапачаткова планавалася прысутнасць Прэзідэнта Ірана - упершыню ў якасці прадстаўніка дзяржавы - назіральніка пры ЕАЭС. Аднак з прычыны вядомых акалічнасцяў ён не змог прыляцець у Мінск. Таму яго выступленне прагучыць у запісе.

"Нядаўнія ўдары па ядзерных аб'ектах Ірана, якія знаходзяцца пад кантролем МАГАТЭ, самым небяспечным чынам парушаюць палажэнні міжнароднага права, уключаючы Дагавор аб нераспаўсюджанні ядзернай зброі і Жэнеўскія канвенцыі 1949 года. Не буду нават гаварыць аб пачуццях, якія такія дзеянні выклікаюць у Беларусі - краіне, што найбольш пацярпела ад аварыі на Чарнобыльскай атамнай станцыі. Тады радыеактыўныя ападкі былі зафіксаваны нават у Вялікабрытаніі, Германіі і Швецыі. Думаюць, пэўна, што зараз не накрые. Асабліва краіну, якая ўчыніла такія дзеянні", - адзначыў Аляксандр Лукашэнка.