Маштабнае веласвята "Viva Ровар" пройдзе 31 мая ў Мінску

На двухколавым па праспекце Пераможцаў - 31 мая пройдзе маштабны велакарнавал "Viva Ровар". Масавы заезд, які стартуе ў 15:00, па адной з галоўных транспартных артэрый Мінска - яго кульмінацыя.

Ужо з самай раніцы мінчан і гасцей сталіцы чакае яркая і насычаная культурна-забаўная праграма з рознымі зонамі актыўнасцей, фуд-кортамі і выступленнямі зорак. Удзельнікі ж велакарнавала змогуць пазмагацца за прызы ў пяці намінацыях.

Аляксей Іваноў, дырэктар веласіпеднага клуба "Мінск":

"Мы пашырылі колькасць прызоў і падарункаў, таму ўжо гэта створыць цалкам новую атмасферу. У нас таксама падрыхтавана культурна-забаўная праграма".

Звяртаем увагу аўтааматараў. У сувязі з правядзеннем велазаезда будзе абмежаваны рух усіх транспартных сродкаў з 14:00 да 17:00 па праспекце Пераможцаў ад вуліцы Леніна да вуліцы Мельнікайтэ, а з 14:50 да 16:30 - па праспекце Пераможцаў ад вуліцы Мельнікайтэ да вуліцы Нарачанскай.