Мінская школа сабрала дзяцей з розных краін на форум "Моладзь Еўразіі - за мір"

У Мінску праходзіць міжнародны маладзёжны форум "Моладзь Еўразіі - за мір". 70-я сталічная школа сабрала дзяцей з розных краін. Падлеткі з Арменіі, Беларусі, Егіпта, Казахстана, Таджыкістана, Расіі і Узбекістана сабраліся разам, каб ушанаваць памяць герояў Вялікай Айчыннай вайны.

У гутарцы пра будучыню самыя шчырыя, мабыць, менавіта дзеці. Ва ўсіх мары розныя, розныя ў жыцці мэты, але аб'ядноўвае адно - усе жадаюць будучыню без войнаў і канфліктаў. З чаго складзецца гэты пазл, каб цаглінкі не рассыпаліся, а сталі моцным фундаментам для міру і тварэння? Пра гэта і гавораць на форуме (глядзіце відэа).