Раманаў: Гістарычнае забыццё - гэта разбурэнне саміх сябе

Мінск стаў пляцоўкай для Міжнароднай міжпартыйнай канферэнцыі пад эгідай "Белай Русі".

Сярод удзельнікаў: прадстаўнікі ўлады, парламентарыі, навукоўцы, эксперты, журналісты, рэлігійныя дзеячы і дыпламаты. Прычым не толькі з Беларусі, але і Азіі, Паўднёва-Усходняй Азіі, Лацінскай Амерыкі. Усяго ў Мінск прыбылі больш за 15 замежных дэлегацый.

На канферэнцыі работа вядзецца па секцыях, дзе абмяркоўваецца цэлы шэраг важных для сучаснага грамадства пытанняў. У іх ліку - значэнне Вялікай Перамогі для народаў, якія ваявалі з фашызмам у гады Вялікай Айчыннай, а таксама эскалацыя неанацысцкай ідэалогіі ў свеце: яе прычыны, пагрозы і кірункі процідзеяння.

Па меркаванні лідара "Белай Русі" Алега Раманава, паклёп з боку шэрагу дзяржаў на слаўную гісторыю савецкага народа, які перамог нацызм, недапушчальны.

Па выніках канферэнцыі прыняты праект рэзалюцыі са зваротам да сусветнай супольнасці. У яе аснове - ідэі роўнасці суверэнных правоў народаў, шматпалярнасці і справядлівасці ў міжнародных адносінах, захаванне гістарычнай памяці і недапушчальнасць яе перапісвання.