У рэгіёнах Мінскай вобласці расце давер да працы сістэмы "Адно акно"

У рэгіёнах Мінскай вобласці расце папулярнасць і давер да працы сістэмы "Адно акно". Жыхары рэгіёна ацанілі максімальна зручныя ўмовы атрымання і афармлення многіх важных дакументаў.

Толькі ў Нясвіжы за апошнія 7 гадоў колькасць адміністрацыйных працэдур вырасла амаль удвая. Пра гэта заявілі 10 чэрвеня падчас візіту на поўдзень цэнтральнага рэгіёна намесніка кіраўніка Адміністрацыі Прэзідэнта Беларусі Вольгі Чупрыс.

Паводле яе слоў, такая форма працы з дакументамі сябе цалкам апраўдала. Наступны этап - пераход на лічбу. Некаторыя адміністрацыйныя працэдуры ўжо можна афармляць, не выходзячы з дому - анлайн. Расказалі і пра новыя кабінеты "Аднаго акна", якія з'явіліся ў Мінскім і Барысаўскім раёнах.

І сёння ж, 10 чэрвеня, Вольга Чупрыс наведала натарыяльную кантору Нясвіжскага раёна, дзе пагаварыла са спецыялістамі. Акрамя таго, намеснік кіраўніка Адміністрацыі правяла ў мясцовым райвыканкаме асабісты прыём грамадзян.