У жаночым чэмпіянаце па хакеі на траве сёння могуць вызначыцца фіналісткі турніру

У жаночым чэмпіянаце па хакеі на траве сёння могуць вызначыцца фіналісткі турніру. Пары каманд правядуць паўфінальныя сустрэчы ў адказ. Нагадаем, для выхаду ў вырашальныя разборкі за медалі неабходна атрымаць дзве перамогі. На крок да гэтай мэты бліжэй смалявіцкая "Вікторыя", якая ў першым матчы з мінімальным лікам 1:0 абгуляла баранавіцкі "Тэкстыльшчык", і "Мінск". Сталічныя хакеісткі атрымалі пераканаўчую перамогу над "Рытмам" 5:1. Аднак і клубы,  якія прайгралі ў першых матчах, проста так здавацца не збіраюцца, тым больш што ўзровень гэтага квартэта каманд апошнім часам практычна зраўняўся.

"Беларусь 5" пакажа абодва матчы ў прамым эфіры. У 15:50 пачнецца трансляцыя з Гродна,  а ў 17:25  - з Баранавіч.