Зноў замаразкі. Якое надвор'е чакаецца ў Беларусі 8 мая

8 мая ў Беларусі чакаюцца замаразкі да мінус 5 градусаў, паведамляе БЕЛТА са спасылкай на Рэспубліканскі цэнтр па гідраметэаралогі, кантролі радыеактыўнага забруджвання і маніторынгу навакольнага асяроддзя Мінпрыроды.

На найбліжэйшыя некалькі сутак аб'яўлена штармавое папярэджанне.

Уначы прагназуецца пераменная воблачнасць, днём будзе пахмурна з праясненнямі, пераважна без ападкаў, толькі днём месцамі па поўначы краіны пройдуць невялікія кароткачасовыя ападкі (дождж, магчымы мокры снег). Уначы і раніцай у асобных раёнах можа быць слабы туман. Вецер паўночнеа-заходні 3-8 м/с.

Замаразкі чакаюцца на большай частцы тэрыторыі краіны. Месцамі мінімальная тэмпература паветра складзе плюс 1-3 градусы. Днём паветра прагрэецца да 6-12 градусаў.