Ізраіль кідае ў сектар Газа дадатковыя сілы

Армія абароны Ізраіля абвясціла, што ўсе пяхотныя і бранятанкавыя падраздзяленні ЦАХАЛ увайшлі ў сектар Газа. Гэта азначае пераход канфлікту ў рэгіёне на новы ўзровень - эскалацыя мае мэтай усталяванне абсалютнага кантролю над сектарам Газа і поўнае знішчэнне ўсіх структур ХАМАС.

Гэты план выглядае цяжкавыканальным - агульная плошча палесцінскага анклава складае каля 365 км, а ізраільцянамі на сёння кантралюецца ад сілы 1/5 частка.

Тым часам у Тэль-Авіве напярэдадні зноў адбылася масавая акцыя пратэсту з патрабаваннем спынення ваеннай аперацыі ў сектары Газа. Маніфестанты таксама дабіваюцца неадкладнай адстаўкі прэм'ера Біньяміна Нетаньяху, у якім бачаць галоўную прычыну немагчымасці ўрэгулявання канфлікту.

Праціўнікі прэм'ера ўпэўнены, што адзіным спосабам вызваліць заложнікаў, якія ўсё яшчэ знаходзяцца ў руках ХАМАС, з'яўляецца неадкладнае спыненне бамбардзіровак палесцінскіх населеных пунктаў.