У сельскай гаспадарцы Беларусі могуць з'явіцца дроны, якія аблегчаць работу аграрыям

Страт ураджаю з-за умоў надвор’я ў Беларусі няма. Вегетацыя сельгаскультур працягваецца. Аб гэтым заявіў дырэктар Навукова-практычнага цэнтра НАН Беларусі па земляробстве Сяргей Краўцоў.

У 2025 годзе, паводле слоў навукоўца, ураджайнасць расце ва ўсіх абласцях. У сярэднім па рэспубліцы на 7 ц/га. На гэта паўплываў расцягнуты перыяд вегетацыі з улікам тэмпературнага рэжыму. У прыватнасці сельгаскультуры падоўжылі свой вегетацыйны перыяд на два тыдні, а некаторыя і на больш працяглы тэрмін.

Нагадаем, у красавіку-маі адзначаліся анамальныя тэмпературы ніжэй за кліматычную норму. Чэрвень таксама не радаваў цяплом. І за тры месяцы сума актыўных тэмператур была ў сярэднім на тры градусы ніжэй у параўнанні з сярэднімі шматгадовымі данымі. Так, аграрыі ў 2024 годзе да канца ліпеня ўжо завяршылі ўборку азімага ячменю, у 2025-м знаходзяцца на фінішнай прамой.

Што датычыцца тэхналагічнага догляду за такімі культурамі як рапс, зернебабовыя, то прымяняюцца прэпараты, якія прадухіляюць растрэскванне і асыпанне. Зараз у Беларусі сумесна з навукоўцамі Нацыянальнай акадэміі навук працуюць над укараненнем аградронаў у сельскай гаспадарцы ў прамысловых маштабах. Сярод іх пераваг - выключэнне механічных пашкоджанняў глебы і раслін, нізкі сабекошт апрацоўкі, мінімальны кантакт чалавека з прэпаратамі, а таксама магчымасць работы па моцна ўвільготненых глебах, у тым ліку ў начны час.