Дзень беларускага пісьменства 6-7 верасня пройдзе ў Лідзе

Галоўныя тэмы XXXII Дня беларускага пісьменства - 80-годдзе Перамогі савецкага народа супраць нацызму і 500-годдзе з дня першай публікацыі кнігі на беларускіх землях - "Апостала" Францыска Скарыны.

У 2025 годзе сталіцай Дня беларускага пісьменства аб'яўлена Ліда. Райцэнтр прыме свята 6 і 7 верасня. У суботу адбудзецца ўрачыстая цырымонія адкрыцця. На ёй жа стануць вядомыя трыумфатары Нацыянальнай літаратурнай прэміі.

Традыцыйна ў сталіцы Дня беларускага пісьменства пакінуць і арт-вестачку. Недалёка ад Лідскага замка прызямліцца на гранітную кнігу "Верабейка". Прачытаць твор савецкага паэта Валянціна Таўлая змогуць і людзі з парушэннем зроку. Ацаніць абноўленую кніжную паліцу Беларусі можна будзе на фестывалі "Кніга і прэса", на гэты раз ён аб'яднае 7 павільёнаў.