У Беларусі з 1 жніўня павялічацца "ўзроставыя" даплаты да пенсій

У Беларусі з 1 жніўня павялічваюцца "ўзроставыя" даплаты да пенсій.

Так, для людзей ва ўзросце 75-79 гадоў памер гэтых выплат складзе 91 рубель 45 капеек, а пры наяўнасці інваліднасці I групы - 213 рублёў 38 капеек. Тым, каму споўнілася 80 гадоў і больш (з улікам надбаўкі на догляд), памер выплат складзе амаль 183 рублі, а пры наяўнасці інваліднасці I групы - 243 рублі 86 капеек.

"Узроставыя" даплаты да пенсій атрымліваюць больш як 540 тыс. чалавек ва ўзросце 75 гадоў і старэй. Выдаткі на іх у 2025 годзе складуць каля 870 млн. рублёў.

Таксама з 1 жніўня павышаецца бюджэт пражытачнага мінімуму. У сярэднім на душу насельніцтва ён складзе 487 рублёў 72 капейкі. Гэта на 5 % больш, чым нарматыў, які дзейнічаў дагэтуль.