У Польшчы фіксуюцца парушэнні падчас галасавання

Польшча працягвае ставіць сумнеўныя рэкорды. Нацыянальная выбарчая камісія паведаміла аб парушэннях падчас галасавання на другім туры прэзідэнцкіх выбараў - іх ужо больш, чым у першым. Паводле даных кіраўніка выбаркама, амаль 80 інцыдэнтаў звязана з пашкоджаннем або здыманнем перадвыбарных плакатаў або банераў. Таксама зафіксавана 60 правапарушэнняў па Выбарчым кодэксе - гэта агітацыя падчас выбарчай цішыні або знішчэнне выбарчых матэрыялаў.

Акрамя таго, адзін выпадак можа быць звязаны са злачынствам - падазрэнне на прычыненне шкоды маёмасці. Варта адзначыць, парушэнні - лагічны працяг усёй перадвыбарнай кампаніі, якая была спалучана са скандаламі і вайной кампраматаў паміж двума кандыдатамі - гэта вылучэнец ад партыі "Грамадзянская кааліцыя" Тшаскоўскі і стаўленік "Права і справядлівасці" Наўроцкі. Першыя вынікі экзітполаў будуць апублікаваны адразу пасля заканчэння галасавання - у 22:00 па мінскім часе.