У летніх лагерах стартавалі першыя змены - што чакае школьнікаў

2 чэрвеня ў лагерах пры школах і за горадам далі старт першым зменам. Фарматы для займальнага лета розныя, як і тэматычная палітра - ад творчай і лінгвістычнай да інавацыйнай. Тры месяцы канікул будуць працаваць цэнтры дадатковай адукацыі.

Асноўная місія - дадатковая адукацыя і развіццё школьнікаў - застаецца і ў летні час. Адзінае, мяняецца рэжым працы і фарматы. Напрыклад, сёння стартавала першая змена лагера "Чабарок". У арт-прасторы для дзяцей аднаго з атрадаў праводзяць экскурсію. Затым праграма будзе дапоўнена інтэрактывам.

Адна змена для адпачынку і аздараўлення доўжыцца мінімум 15 дзён. Сёлета пры сталічных школах, гімназіях і ўстановах дадатковай адукацыі адкрылі 296 лагераў. Акрамя дзённага знаходжання для мінскіх школьнікаў працуюць 29 загарадных з кругласутачным адпачынкам.