Адкрыццё першай чаргі Рэспубліканскага патрыятычнага цэнтра прайшло ў Брэсцкай крэпасці

Першую чаргу Рэспубліканскага цэнтра патрыятычнага выхавання моладзі адкрылі ў Брэсцкай крэпасці.

На базе былой казармы 125-га артылерыйскага палка для хлопцаў уладкавалі спальны корпус на 200 месцаў. Яшчэ 400 падлеткаў у цёплы час года змогуць размясціцца ў палатачным гарадку.

На тэрыторыі знаходзяцца пляцоўкі для страявой, агнявой, турысцка-тапаграфічнай падрыхтоўкі, для заняткаў па следапыцтве. Сёння тут стартуе першая летняя аздараўленчая кампанія. У абаронна-спартыўным лагеры за змену адпачнуць і набяруцца сіл 200 дзяцей.