Дзень піянерскай дружбы адзначылі ў Беларусі

"Будзь гатовы! - Заўсёды гатовы!" - у Беларусі адзначылі Дзень піянерскай дружбы.

Рады Беларускай рэспубліканскай піянерскай арганізацыі ўвесь час растуць, і сёння налічваюць больш за 630 тыс. удзельнікаў. Самыя малодшыя з іх - гэта акцябраты (7-9 гадоў), іх налічваецца больш за 250 тыс. чалавек. Большую частку складаюць піянеры ва ўзросце ад 10 да 14 гадоў - іх звыш 350 тыс. А замыкаюць гэты спіс піянеры-лідары (старэйшыя за 15 гадоў), якіх налічваецца каля 24 тыс.

Беларуская рэспубліканская піянерская арганізацыя, як і любы рух, мае сваю сімволіку, якая заклікае аб'ядноўваць удзельнікаў. Да іх адносяцца - эмблема, якая ўяўляе сабой полымя, што сімвалізуе адзінства, раўнапраўе, узаемадапамогу і павагу. Піянерскі гальштук як знак прыналежнасці да арганізацыі і акцябрацкі значок - пяціканцовая зорачка з чырвонымі і зялёнымі промнямі, якая з'яўляецца сімвалам юнацтва і пераемнасці.

Піянеры і акцябраты краіны ўдзельнічаюць у шматлікіх праектах і самі прапаноўваюць ініцыятывы. Тэматыка самая шырокая - грамадзянска-патрыятычнае выхаванне, спорт, турызм, культура, ахова навакольнага асяроддзя.

У гонар свята для юных беларусаў у розных кутках краіны прайшлі розныя мерапрыемствы - флаг-шоу, канцэрты і інтэлектуальныя спаборніцтвы.