На Еўразійскім эканамічным форуме працуе амаль паўтысячы журналістаў

На IV Еўразійскім эканамічным форуме працуе амаль паўтысячы журналістаў. Гэта і беларускія, і замежныя калегі. На базе цэнтра для асвятлення навін нон-стоп адкрыты адразу 3 прэс-цэнтры: асобна для пула, кіраўнікоў дзяржаў і для еўразійскай эканамічнай камісіі. Каманда "Першага інфармацыйнага" на працягу ўсяго насычанага дня ў цэнтры падзей. Прамыя ўключэнні, праца выязных студый, меркаванні ўдзельнікаў, стрымы з усіх 9 пляцовак у міжнародным выставачным цэнтры, таксама задзейнічаны і перасовачныя тэлевізійныя станцыі. Самыя маляўнічыя і эксклюзіўныя кадры Еўразійскага эканамічнага форуму глядзіце на "Першым інфармацыйным".