Аляксандр Лукашэнка выступіў на пленарным пасяджэнні ЕЭФ

Пра гэта заявіў Прэзідэнт Беларусі падчас выступлення на пленарным пасяджэнні Еўразійскага эканамічнага форуму.

Аляксандр Лукашэнка акрэсліў контуры далейшага развіцця Еўразійскага эканамічнага саюза. Таксама кіраўнік дзяржавы адзначыў, што ВУП аб'яднання трэба падвоіць у найбліжэйшыя 10 гадоў.

Паводле слоў Аляксандра Лукашэнкі, у распараджэнні ўдзельнікаў ЕАЭС ёсць усе інструменты, якія многія краіны толькі спрабуюць ствараць. "Зараз асноўная задача - павялічыць эфектыўнасць іх выкарыстання на карысць рэальнай інтэграцыі. Ні ў якім разе нельга ператварыць наш саюз у пляцоўку для пустых размоў. Наадварот, ён павінен стаць максімальна прывабным для новых удзельнікаў. Колькасць краін, прадстаўленых на форуме, паказвае вялізную цікавасць да нашага аб'яднання. І давайце скарыстаемся гэтым момантам па максімуме", - заклікаў Прэзідэнт.

"ЕАЭС 2.0" - так Аляксандр Лукашэнка ахарактарызаваў будучыя крокі саюза і яго ролю на сусветным рынку. Заклікаў Прэзідэнт і ў самыя кароткія тэрміны завяршыць у Еўразійскім эканамічным саюзе фарміраванне агульнага фінансавага рынку.

Яшчэ адна важная прапанова ад кіраўніка дзяржавы - пазіцыянаваць саюз як глабальны транзітны хаб. У далейшым гэта ініцыятыва можа быць распаўсюджана і ў межах дыялогу па лініі ЕАЭС-ШАС.