Кветкі да Вечнага агню ля манумента Перамогі. Матацыклісты са Славакіі прыбылі ў Мінск

Гісторыя Вялікай Перамогі ў асобах і фрагментах памяці кожнага народа. Міжнародны аўтамотапрабег славацкага грамадзянскага аб'яднання "Брат за брата" працягвае свой патрыятычны марафон па значных месцах Беларусі.

Сёння госці прыбылі ў Мінск. Удзельнікі ўшанавалі памяць герояў Вялікай Айчыннай хвілінай маўчання, а пазней усклалі жывыя кветкі да Вечнага агню ля манумента Перамогі.

У гістарычным маршруце грамадзянскага аб'яднання "Брат за брата" яшчэ мноства лакацый. Адна з іх - храм-помнік Усіх Святых, куды славацкія патрыёты даставяць капсулу з зямлёй з месцаў пахавання савецкіх воінаў.