У Астраўцы ў ліўневай каналізацыі патанула пяцігадовае дзіця

Пяцігадовае дзіця патанула ў ліўневай каналізацыі ў Астраўцы. Малы адкрыў накрыўку люка і ўпаў унутр.

У СК расказалі падрабязнасці інцыдэнту. Як паказала праверка следчых, на мінулых выхадных хлопчык разам са сваімі сябрамі сямі і дзевяці гадоў гуляў на зялёнай зоне, дзе размешчаны ачышчальныя ліўневыя збудаванні. Дзіцячая цікаўнасць прывяла гарэзу да канструкцыі, якая не была абгароджана, а люкі былі накрыты пластыкавымі накрыўкамі. Хлопчык здолеў адкрыць накрыўку люка.

Далей малы, не ўтрымаўшы раўнавагу, упаў у каналізацыю. Таварышы пабеглі да яго мамы. Жанчына патэлефанавала ў МНС. Ратавальнікі дасталі дзіця з калодзежа і перадалі брыгадзе хуткай дапамогі, якая праводзіла рэанімацыйныя дзеянні. На жаль, выніку яны не далі. Выратаваць хлопчыка не ўдалося.

Следчыя ўзбудзілі крымінальную справу па факце службовай халатнасці.