ЗША ўзмацнілі націск на Кубу

ЗША зрабілі больш жорсткай палітыку ў дачыненні да Кубы - адпаведнае распараджэнне аддаў Дональд Трамп.

Яно прадугледжвае падтрымку эканамічнага эмбарга астраўной дзяржавы і процідзеянне мерам па яго адмене ў ААН, таксама амерыканскім ведамствам загадана перашкаджаць здзелкам і пагадненням, эканамічна і палітычна выгадным Гаване. Міністэрству фінансаў і гандлю ЗША дадзены месяц на падрыхтоўку канкрэтных крокаў па выкананні ўказанняў Трампа.

У МЗС Кубы адказалі на дзеянні амерыканскага прэзідэнта, назваўшы іх злачыннай палітыкай, якая парушае правы цэлай нацыі.