Таісія Павалій узначаліць журы дарослага конкурсу "Славянскі базар у Віцебску"

Голас Таісіі Павалій стане вырашальным на конкурсе выканаўцаў эстраднай песні ў межах "Славянскага базару". Народная артыстка Інгушэціі ўзначаліць журы прэстыжнага міжнароднага спаборніцтва.

Нагадаем, Павалій - уладальніца першага Гран-пры ў гісторыі форуму. Сёлета за "Хрустальную ліру" будуць змагацца прадстаўнікі Казахстана, Расіі, Нігерыі, Румыніі. Першая сустрэча канкурсантаў з Прэзідэнцкім аркестрам адбудзецца 10 ліпеня. А за дзень да гэтага свой дзень нараджэння адзначыць наш прадстаўнік на "Славянскім базары" Валерыя Бернатовіч.

Першыя падзеі "Славянскага базару" стартуюць у Віцебску роўна праз тыдзень, 8 ліпеня. Тады ж адбудзецца першы этап дзіцячага музычнага конкурсу "Віцебск". Беларусь на 23-м спаборніцтве прадставіць Амалія Сухан.