ЗША адмяняюць санкцыі супраць Сірыі

ЗША змякчаюць санкцыі ў дачыненні да Сірыі. Указ, падпісаны Трампам, дазваляе аслабіць меры па экспартным кантролі, што дзейнічаюць у адносінах да Дамаска. Некаторыя крокі павінен будзе адобрыць Кангрэс.

Пры гэтым зняцце санкцый не распаўсюджваецца на папярэдняга лідара гэтай арабскай краіны Башара Асада і звязаных з ім асоб.

Рэстрыкцыі, якія дзейнічаюць з 2004 года, анулююцца з 1 ліпеня 2025 года, прычым дзяржсакратару ЗША аддадзена распараджэнне забяспечыць у выпадку такой магчымасці таксама адмену санкцый у дачыненні да Дамаска ў рамках ААН.

Акрамя таго, указ Трампа загадвае разгледзець магчымасць выключэння Сірыі з амерыканскага спісу краін - спонсараў тэрарызму.