Польшча ўсталявала электронны бар'ер на дзвюх рэках з Беларуссю

Польшча завяршыла ўсталяванне электроннага бар'ера на прыгранічных з Беларуссю рэках Істачанка і Свіслач.

Размова ідзе пра сістэму відэаназірання і датчыкаў руху. Бар'ер ужо ўведзены ў эксплуатацыю - паведамляе МУС Польшчы.

Тыднем раней пагранслужба краіны праінфармавала аб заканчэнні работ па мадэрнізацыі "электроннага бар'ера" ўздоўж агароджы на мяжы з Беларуссю.

Акрамя таго, 6 красавіка Польшча разам з саюзнікамі па НАТА ўзняла ў паветра дзяжурныя пары знішчальнікаў, як сцвярджае Варшава, у сувязі з актыўнасцю Расіі.