Навальніцы і да 28 °C. МНС Беларусі папярэджвае аб фактарах небяспекі

Днём 21 ліпеня па Беларусі прагрымяць навальніцы. Парывы ветру будуць дасягаць 14 м/с. Пры гэтым чакаецца да 28 цяпла.

У МНС папярэджваюць: падчас ліўняў узнікае небяспека гібелі людзей на вадзе пры купанні. Вадзіцелі і пешаходы павінны ўлічваць, што ў складаных умовах надвор'я зніжаецца бачнасць на дарогах, ускладняецца рух транспарту, што прыводзіць да павелічэння ДТЗ.

Магілёўская вобласць тым часам працягвае ліквідацыю наступстваў стыхіі 9 і 10 ліпеня. Работы па ачыстцы абласнога цэнтра не спыняюцца і ў выхадныя. Напярэдадні хлопцы і дзяўчаты моладзевага пошукавага атрада "Т-34", курсанты МНС, работнікі прадпрыемстваў ліквідавалі наступствы ўрагану на Паўднёваўсходніх могілках.