Даведаліся, як у Беларусі лекавыя расліны ператвараюць у карысныя прадукты

У Беларусі актыўна нарыхтоўваюць лячэбную траву. Раскажам, як прыроднае багацце ператвараецца ў карысныя прадукты.

Лекавыя расліны - адзін з самых каштоўных рэсурсаў прыроды. Лячэбная скарбніца нашай краіны сапраўды невычарпальная. Паводле даных Дзяржаўнага кадастра расліннага свету Беларусі, біялагічны запас лекавых раслін у краіне складае больш за 830 тыс. тон.

Так, на прыродзе можна не толькі адпачыць, але і лекавыя расліны нарыхтаваць. Меліса, рамонак, валяр'яна, крываўнік - спіс доўгі - збірай не хачу! За выключэннем, зразумела, раслін, якія асоба ахоўваюцца. На прамысловай аснове экзатычным відам земляробства ў Беларусі займаюцца і прыватныя, і дзяржпрадпрыемствы. Духмяны ўраджай з палёў дастаўляюць на першасную перапрацоўку. Далей - дбайная праверка сыравіны на якасць.

Важны этап - стэрылізацыя расліннай сыравіны. Гэтаму працэсу на прадпрыемстве "Беласептыка" - асаблівая ўвага, бо размова ідзе пра вытворчасць лекавых прэпаратаў. Высакакласнае абсталяванне - у прыярытэце.

Калі ўваходны кантроль пройдзены паспяхова, то сыравіну дапускаюць да вытворчасці. У аптэкі і магазіны каштоўны ўраджай паступае ў выглядзе фітачаёў, бадаў, лекавых збораў.

Распрацоўкі на гэтым не заканчваюцца. Так, у Аптэкарскім садзе ў 2025 годзе з'явілася навінка - сіняя гарбата.

Ад поля да прылаўка - пад строгім кантролем і з беражлівым клопатам! Духмяны і гаючы букет лекавай травы - прадукт, які карыстаецца нязменнай папулярнасцю.