На Маскву абрынуліся праліўныя дажджы

На Маскву зноў абрынуліся праліўныя дажджы. Вуліцы ператварыліся ў рэкі. Машыны захрасаюць у вялізных лужынах. Зафіксаваны працёкі на лініях метро. Некаторыя пераходы ў падземку нагадваюць басейн.

У сацсетках жартуюць, што жыхарам Масквы і Падмаскоўя замест абутку сёння спатрэбяцца ласты. Сіноптыкі прагназуюць, што 21 ліпеня тут пральецца 40 % месячнай нормы ападкаў.

Расійская сталіца на грані транспартнага калапсу. Рэзка ўзляцеў кошт таксі. За 15-хвілінную паездку вадзіцелі патрабуюць 60-70 долараў. Стыхія абяцае Маскве на працягу сутак новыя выпрабаванні - магчыма, яшчэ больш сур'ёзныя, чым зараз.