Перамовы, сустрэчы і абмен вопытам. Дэлегацыя Ірана з візітам у Беларусі

Па запрашэнні Палаты прадстаўнікоў іранская парламенцкая дэлегацыя на чале з кіраўніком рабочай групы Сходу ісламскага савета Ісламскай Рэспублікі Іран па супрацоўніцтве з Нацыянальным сходам Рэспублікі Беларусь Аліясгарам Багерзадэ наведае Беларусь з візітам у перыяд з 20 па 24 ліпеня.

Асноўнай мэтай візіту стане ўмацаванне двухбаковых адносін. Бакі маюць намер абмеркаваць шырокі спектр пытанняў супрацоўніцтва, у прыватнасці міжпарламенцкага, у гандлёва-эканамічнай, інвестыцыйнай і культурна-гуманітарнай сферах, а таксама падзеляцца вопытам заканатворчасці і разгледзяць актуальныя сусветныя праблемы. Цэнтральнай падзеяй стане сумеснае пасяджэнне рабочых груп парламентаў Беларусі і Ірана.

Праграма знаходжання ўключае наведванне значных беларускіх аб'ектаў. Госці пабываюць на прадпрыемствах машынабудавання, у Беларускім медуніверсітэце, Нацыянальнай бібліятэцы і ў мемарыяльным комплексе "Хатынь".