У Батанічным садзе праходзіць свята дзяцінства

Абарона мацярынства і дзяцінства - адзін з прыярытэтаў дзяржаўнай палітыкі ў Беларусі. І сёння, 1 чэрвеня, есць добрая магчымасць яшчэ раз нагадаць, у першую чаргу дарослым, што кожнае дзіця заслугоўвае шчаслівага дзяцінства.

Модныя паказы, шоу мыльных бурбалак, анімацыя - арганізатары свята па ўсёй Беларусі пастараліся зрабіць гэты дзень яркім для дзяцей любога ўзросту.

У Мінску адна з такіх пляцовак разгарнулася ў Цэнтральным батанічным садзе. Там пануе цудоўная атмасфера - гэта проста іншы свет. На ўсю моц адпачываюць не толькі дзеці, але і іх бацькі. Вечна можна глядзець, як дзеці радуюцца, што праводзяць час з мамай і татам. Гэта напаўняе і натхняе.

Святочны настрой у Мінску пануе ўжо з пятніцы, 30 мая. Усе выхадныя на розных пляцоўках горада ішлі праграмы на любы густ. У Батанічным садзе арганізаваны нават зоны для малышоў да 1 года.

Арганізатары свята прапануюць падарыць дзяцінства іншым хлопчыкам і дзяўчынкам. Госці актыўна ўдзельнічаюць у дабрачыннай акцыі. Цацкі, кніжкі, канцтавары - сабраныя падарункі перададуць у дзіцячы дом. 1 чэрвеня - не проста дата, гэта шанц аказаць падтрымку юным пачынанням і працягнуць руку тым, хто ў ёй мае патрэбу.

Дзяцінства - гэта чароўная пара, калі кожны дзень напоўнены адкрыццямі, свет здаецца добрым і дзіўным, а мары такія блізкія. Толькі ад дарослых залежыць, як доўга дзеці захаваюць гэта трапяткое пачуццё і давер да жыцця. Падарыць радасць сабе і дзецям у Батанічным садзе сталіцы можна да 19:00.