Амаль 400 удзельнікаў прайшлі перадкастынг талент-шоу "Фактар.by"

"Фактар.by" і "Фактар.by 60+" завяршае сваё турнэ па Беларусі. Апошні горад, дзе адбудзецца тыднёвы марафон праслухоўванняў, - Мінск. Каманда праекта гатова слухаць таленавітых без выхадных - з 24 па 30 чэрвеня. На праспекце Пераможцаў, 49 (ужо звыклы адрас адбору новых артыстаў) з апоўдня будзе працаваць зона рэгістрацыі ўдзельнікаў. Запоўніць анкету можна на месцы. А пасля дачакацца свайго выхаду на святло сафітаў, праспяваць ад душы і (пажадана) не ўтаіць ад суддзяў гісторыю ўласных пераадоленняў.

Усяго наблізіліся да сцэны амаль 400 чалавек. Найстарэйшы смяльчак - гэта віцябчанін, яму 87 гадоў. Дарэчы, у Віцебску аказалася і большая колькасць ахвотнікаў стаць удзельнікам "Фактар.by". Але Мінск можа і перасягнуць рэкорд.