Келаг уражаны гасціннасцю Лукашэнкі

Спецпасланнік прэзідэнта ЗША па Украіне Келаг застаўся пад уражаннем ад гасціннасці Лукашэнкі. Пост пра перамовы, што прайшлі ў Мінску, ён размясціў у сацсетцы Х, суправадзіўшы яго фатаграфіямі з Палаца Незалежнасці. Спецпасланнік Трампа адзначыў паспяховыя перамовы. Ён таксама распавёў, што абмеркаваў з Прэзідэнтам Беларусі СВА, а таксама намаганні, якія прыкладвае Трамп для пспынення ваенных дзеянняў ва Украіне.

"У цэлым выдатная камандная праца. Наша дэлегацыя сустрэлася з лідарам Беларусі Лукашэнкам і яго камандай. Джон Коўл узначаліў абмеркаванне двухбаковых адносін паміж ЗША і Беларуссю", - напісаў Келаг у сацыяльнай сетцы Х.