У маршруце знакавыя месцы. Аўтамотапрабег МУС аб'яднаў усе рэгіёны Беларусі

Захаванне гістарычнай памяці, праўды аб гераічным мінулым - галоўная ідэя маштабнага аўтамотапрабегу пад патранажам МУС у гонар 80-годдзя Вялікай Перамогі. Ён аб'яднаў усе рэгіёны Беларусі. Выстава тэхнікі, салдацкая каша, выступленні артыстаў.

Аўтамотапрабег сапраўды аб'яднаў усю краіну. Старт дадзены ў Гомельскай вобласці на мемарыяльным комплексе "Баграціён", прысвечаным самай паспяховай наступальнай аперацыі XX стагоддзя.

Едучы па карце вызвалення Беларусі, 1 мая ў шлях адправіліся ветэраны МУС, тыя, хто і сёння годна нясе службу, захоўваючы мір і спакой. Магілёўскі раён, вёска Гаі - знакавае месца. Менавіта тут летам 1941-га разгарнулася жорсткае супраціўленне фашыстам. Аднымі з першых у бой уступілі міліцыянеры (батальён капітана Уладзімірава). Тады з 250 байцоў у жывых засталіся толькі 19. 6 дзён чырвонаармейцы не давалі фашыстам узяць вышыню.

Абавязковая падзея аўтамотапрабегу - кветкі да падножжа мемарыяла і хвіліна маўчання ў памяць аб героях.

Ля падножжа мемарыяла ў в. Гаі закладзена капсула з пасланнем нашчадкам

Пра каштоўнасць міру гаварылі ўдзельнікі мітынгу. Беларусь застаецца астраўком спакою - як важна захаваць яго. Чарговыя і спецыяльныя воінскія званні ўручаны тым, хто годна нясе службу сёння. Урачыста закладзена капсула з пасланнем для нашчадкаў.

Знакавыя месцы ў маршруце аўтапрабегу: плошча Перамогі ў Віцебску, Хатынь, Курган Славы ў Гродне. Канчатковым пунктам маршруту стане Брэсцкая крэпасць-герой.