У Мінску прайшла першая генеральная рэпетыцыя парада

У Дзень Перамогі грандыёзныя мерапрыемствы пройдуць па ўсёй краіне, знакавыя - у Мінску. Адна з галоўных падзей - ваенны парад.

Напярэдадні прайшла першая генеральная рэпетыцыя ля стэлы "Мінск - горад-герой". У 2025 годзе арганізатары дабавілі некалькі новых фарбаў. Частка мерапрыемства пабудавана на асобных элементах Парада Перамогі 1945 года. Напрыклад, яркі момант таго часу - гэта конная кавалерыя, будуць і ваенныя кінолагі. У цэлым дзве раўнацэнныя часткі - гістарычная і сучасная. Перад трыбунамі будуць трымаць строй 30 пешых парадных разлікаў, а гэта не менш за 4 тысячы чалавек, каля 250 адзінак тэхнікі, у завяршэнне - выступленне роты ганаровай варты. Гэта заўсёды відовішчна.

Ваенны парад - гэта не дэманстрацыя сілы і, ужо тым больш, не бразганне зброяй. Наш народ, які перажыў неймаверныя выпрабаванні ў гады Вялікай Айчыннай, на генетычным узроўні набыў непрыняцце якой-небудзь агрэсіі. Парад увасабляе рашучасць усяго беларускага народа абараніць родную зямлю, хвалебную гераічную гісторыю, адзінства нацыі, наш традыцыйны ўклад жыцці і духоўныя каштоўнасці. Плячо ў плячо з беларусамі на ваенным парадзе - прадстаўнікі яшчэ сямі краін. Хто захоча ўбачыць парад сваімі вачамі - яшчэ адна генеральная рэпетыцыя запланавана на аўторак, 6 мая.