Вядомыя спартсмены Беларусі і Расіі расказалі будучым чэмпіёнам, як годна прайсці шлях славы

Аб сакрэтах высокіх дасягненняў у спорце гаварылі сёння ў Брэсце. Юныя жыхары горада сустрэліся са знакамітымі чэмпіёнамі розных гадоў з Беларусі і Расіі. Пляцовак для дыялогу падрыхтавалі адразу некалькі. Адну з іх арганізавалі ў Палацы водных відаў спорту, дзе гадуюць спартсменаў высокага ўзроўню. А яшчэ менавіта тут праводзяць рэспубліканскія і міжнародныя спаборніцтвы па плаванні.

У кожнага пакалення з'яўляюцца свае віды спорту, прыходзіць новая моладзь. Пэўна, самае галоўнае - здолець яе захаваць, таму што самы складаны перыяд для спартсмена - гэта пераход з юнацкага спорту ў дарослы. У гэты момант многія губляюцца, ім трэба атрымліваць новую адукацыю, асвойвацца ў іншым асяроддзі. Вось тут, пэўна, мы і павінны далучацца, магчыма, як вядомыя спартсмены, каб падказаць, распавесці, як прайсці гэты шлях і не страціць сябе.

Зараз у Брэсцкай вобласці дзейнічае больш як 50 спартыўных школ. Займаецца ў іх амаль 25 тысяч чалавек.