У Мінску адкрылася новая экспазіцыя інклюзіўнага праекта БСЖ

Асаблівы погляд на свет праз мастацтва. У Мінску адкрылася новая экспазіцыя інклюзіўнага праекта Беларускага саюза жанчын "Іншая глыбіня". Гэта ўжо восьмая па ліку выстава дзяцей з асаблівасцямі.

У гандлёвым цэнтры "Сталіца" свае работы прапанавалі выхаванцы "Беларускай асацыяцыі дапамогі дзецям-інвалідам і маладым інвалідам" з горада Барань Віцебскай вобласці. Усяго каля 30 работ. Нягледзячы на праблемы са здароўем, дзеці ўкладваюць душу ў кожны свой твор. Выхаванцы малююць ужо больш за тры гады, і за гэты час у іх скарбонцы з'явілася вялікая колькасць узнагарод.

Убачыць карціны можна да канца лістапада. Затым экспазіцыю зменяць работы іншых дзяцей. На працягу года ў праекце паўдзельнічаюць дзясяткі выхаванцаў з розных цэнтраў карэкцыйна-развіццёвага навучання.