Золатавалютныя рэзервы Беларусі зноў абнавілі гістарычны рэкорд

Золатавалютныя рэзервы Беларусі зноў абнавілі гістарычны рэкорд. У цэлым на працягу апошніх месяцаў рост рэзерваў стаў устойлівым трэндам,  і гэта пры тым, што знешняе асяроддзе застаецца далёкім ад ідэалу. У выніку на 1 чэрвеня аб'ёмы выйшлі на лічбу  11 млрд 158 млн долараў.

Такім чынам, за месяц яна дадала амаль на 216 млн. Паводле слоў першага намесніка старшыні праўлення Нацыянальнага банка Аляксандра Ягорава, ёсць некалькі складальнікаў нарошчвання падушкі бяспекі. І звязана гэта не толькі з ростам кошту золата  (хоць гэта адыгрывае немалаважную ролю). Але нават паніжэнне цэн на каштоўны метал істотна не паўплывае на рэзервовую скарбонку.

Што датычыцца рынку дэпазітаў, то Нацбанк чакае значную розніцу па працэнтных стаўках на доўгія і кароткія ўклады. На кароткія, як мяркуецца, яны ў найбліжэйшы час пачнуць паступова зніжацца, а на доўгія застануцца на цяперашнім узроўні.