ЗША скінулі на іранскі Форда 12 пранікальных боепрыпасаў GBU-57А

У ноч на 22 чэрвеня ЗША нанеслі ўдары па Іране. Былі цалкам знішчаны ключавыя ядзерныя аб'екты, заявіў прэзідэнт ЗША Дональд Трамп. Вядома, што на абагачальнае прадпрыемства ў Форда былі скінуты 12 цяжкіх пранікальных боепрыпасаў GBU-57А.

Як лічыцца, гэта адзіная зброя на планеце, здольная паразіць бункеры, схаваныя пад зямлёй. Акрамя таго, амерыканцы прымянілі да 30 ракет "Тамагаўк", аднак Тэгеран настойвае, што з Форда абсталяванне было даўно вывезена, а іншыя аб'екты і ўвогуле не пацярпелі. Для таго каб даставіць цяжкія бомбы да цэлі, амерыканскія лётчыкі стартавалі з базы ў Місісіпі. Прэзідэнт ЗША ў сувязі з тым, што адбылося, выступіў са зваротам да нацыі (гл. відэа).