Сергеенка: Ад стану працы з кадрамі залежыць у цэлым развіццё любога рэгіёна

Ад стану працы з кадрамі залежыць у цэлым развіццё любога рэгіёна, адзначыў старшыня Палаты прадстаўнікоў, упаўнаважаны прадстаўнік Прэзідэнта ў Віцебскай вобласці Ігар Сергеенка падчас пасяджэння ў Шумілінскім райвыканкаме.

Абмеркавалі рэалізацыю прэзідэнцкага Дэкрэта "Аб садзейнічанні занятасці насельніцтва", гатоўнасць навучальных устаноў да новага вучэбнага года. У цэнтры ўвагі таксама сацыяльна-эканамічнае развіццё раёна і працоўныя рэсурсы.

Комплекснае вывучэнне сітуацыі ў раёне прадоўжылася і на прадпрыемствах. Адзін з найстарэйшых вытворцаў будаўнічых матэрыялаў у Беларусі - Обальскі керамічны завод. Тут ідзе рэалізацыя інвестпраекта па вытворчасці новых відаў цэглы з выкарыстаннем цвёрдага паліва ў рамках праграмы "Адзін раён - адзін праект". Гэта дазволіць прадпрыемству скараціць спажыванне прыроднага газу да 70 %, асвоіць выпуск новых відаў прадукцыі і выйсці на больш высокі ўзровень дзейнасці.