Тайланд і Камбоджа гатовы правесці сустрэчу дзеля ўрэгулявання канфлікту

Прэзідэнт ЗША Дональд Трамп працягвае гуляць у міратворца. Камбоджа і Тайланд у хуткім часе пачнуць перамовы на вышэйшым узроўні ў Малайзіі, пра гэта паведаміў дзяржсакратар ЗША Марка Рубіа.

Паводле яго словаў, будзе абмяркоўвацца пытанне спынення агню, а прадстаўнікі Дзярждэпа ўжо знаходзяцца ў Малайзіі для садзейнічання мірным перамовам. Пры гэтым і Рубіа, і Трамп працягваюць узаемадзейнічаць з калегамі з Тайланда і Камбоджы, а таксама сочаць за развіццём сітуацыі. Нагадаем, што раней прэзідэнт ЗША патэлефанаваў лідарам абедзвюх краін, каб настаяць на неадкладным спыненні агню. 27 ліпеня Тайланд і Камбоджа выказалі гатоўнасць правесці ўзаемную сустрэчу.