Збой у рабоце сістэм "Аэрафлота" - вынік хакерскай атакі

Збой у рабоце сістэм "Аэрафлота" - вынік хакерскай атакі. Узбуджана крымінальная справа паводле артыкула аб неправамерным доступе да камп'ютарнай інфармацыі, заявілі ў Генпракуратуры Расіі.

Збой прывёў да масавай адмены рэйсаў "Аэрафлота". У тым ліку трох з Нацыянальнага аэрапорта Мінск.

Ужо вядома, што частку пасажыраў "Аэрафлота" на фоне збою перасадзяць на рэйсы авіякампаній "Расія" і "Перамога". У Шарамеццева тым часам заклікалі пасажыраў адмененых рэйсаў пакінуць зону вылету, а пазней і дыстанцыйна аформіць зварот або памяняць білеты. Касы "Аэрафлота" гэтым часова не займаюцца. Спецыялісты ў дадзены момант працуюць над ухіленнем непаладак, тэрміны аднаўлення пакуль не называюць.