28 ліпеня - Сусветны дзень барацьбы з гепатытам

У Беларусі ўзровень захворвання віруснымі гепатытамі скараціўся на 18 %. І за 2024 год зафіксавана 3600 выпадкаў, з іх дзве трэція прыпадае на гепатыт С. Больш за палову захварэўшых - мужчыны.

28 ліпеня - Сусветны дзень барацьбы з гепатытам. Гэта важная прычына нагадаць пра неабходнасць захавання мер бяспекі і вакцынацыі. У сістэме аховы здароўя Беларусі створаны ўсе ўмовы для таго, каб кожны змог прайсці раннюю дыягностыку гепатытаў і пры неабходнасці атрымаць лячэнне.

Хранічныя гепатыты В і С могуць непрыкметна выклікаць цяжкія паражэнні печані, уключаючы цыроз і рак. Аднак іх можна папярэджваць, кантраляваць, а ў выпадку гепатыту С - цалкам вылечыць. Штогод у нашай краіне пацыенты з такім вірусам атрымліваюць неабходнае лячэнне, эфектыўнасць якога больш за 95 %.

Прайсці абследаванне на вірусныя гепатыты можна ў любой установе аховы здароўя краіны. Паводле даных СААЗ, хранічныя вірусныя гепатыты кожны год становяцца прычынай смерці 1 млн 300 тыс. чалавек.