У Брэсце адкрылі лапідарый

Роўна 81 год назад падчас найбуйнейшай наступальнай аперацыі "Баграціён" войскі 1-га Беларускага фронту вызвалілі Брэст ад нямецка-фашысцкіх захопнікаў і завяршылі вызваленне нашай зямлі. Даніна памяці ўсім героям - 28 ліпеня жывыя кветкі ляглі да манумента ў гонар воінаў-вызваліцеляў горада над Бугам.

Таксама з нагоды знакавай даты ў Брэсце адкрылі лапідарый, дзе сабрана больш за 1,2 тыс. каменных артэфактаў. У прыватнасці, надмагіллі і іх фрагменты са старых яўрэйскіх могілкаў, якія існавалі з пачатку XIX стагоддзя (гл. у відэа).